Азал-азалдан халқимиз ёши улуғ нуронийларни эъзозлаб, уларга катта ҳурмат ва эҳтиром кўрсатиб келади. Айниқса, табаррук инсонларнинг ҳолидан хабар олиш, оғирини енгил қилиш, дуо ва насиҳатларини олиш халқимизга хос улуғ фазилатлардан саналади.
Шу анъанани давом эттириш мақсадида Ўзбекистон Соғлиқни сақлаш ходимлари касаба уюшмаси Сирдарё вилояти кенгаши, Сирдарё вилояти соғлиқни сақлаш бошқармаси ҳамда Ўзбекистон врачлар ассоциациясининг Сирдарё вилояти ҳудудий бўлинмаси ташаббуси билан Мустақиллигимизнинг 34 йиллиги муносабати билан бир қатор соҳа фахрийлари ҳолидан хабар олинди ва уларга эсдалик совғалар топширилди.
Узоқ йиллар соҳа ривожига ҳисса қўшган нуроний отахонлар ўз ҳаётий тажрибалари билан ўртоқлашиб, ёш авлоднинг етук мутахассис бўлиб камол топишида зарур бўлган маслаҳатларини бердилар.
