Welcome to Ўзбекистон соғлиқни сақлаш ходимлари касаба уюшмаси Республика Кенгаши   Click to listen highlighted text! Welcome to Ўзбекистон соғлиқни сақлаш ходимлари касаба уюшмаси Республика Кенгаши
0371 256-86-73
soglik@kasaba.uz
Тошкент ш.,
Бухоро кўч, 24

Фаолият

Ўзбекистон Соғлиқни сақлаш ва фармацевтика ходимлари

касаба уюшмаси рамзи тўғрисида

 НИЗОМ

 

I.Умумий қоидалар

1. Мазкур Низом Ўзбекистон Республикасининг «Касаба уюшмалари, уларнинг ҳуқуқлари ва фаолиятининг кафолатлари тўғрисида», «Ўзбекистон Республикасида жамоат бирлашмалари тўғрисида», «Нодавлат нотижорат касаба уюшмасилари тўғрисида»ги қонунлари, ва касаба уюшмасининг Уставига мувофиқ, Ўзбекистон Соғлиқни сақлаш ва фармацевтика ходимлари касаба уюшмаси рамзидан фойдаланишни тартибга солади.

2. Касаба уюшмасининг рамзи янги таҳрирдаги Устав амалиётга тадбиқ этилиши муносабати билан, ундаги мақсад ва вазифаларни амалга ошириш ҳамда аъзоларда тиббий-фидоийлик, поклик, беғуборлик, навқиронлик, умид ва шодумонлик софликни, орзу ва хаёллар тозалиги, ички гўзалликка интилишнинг туйғусини янада ошириш учун ишлаб чиқилган.

 II. Касаба уюшмаси рамзининг тавсифи

3.     Касаба уюшмаси рамзининг асоси ётиқ эллипсдан иборат бўлиб, эллипснинг ҳошияси кўк рангда.

Ер шарининг рамзий белгиси бўлган ётиқ эллипснинг ўнг юқори 5/2 қисмидан чап қуйи 5/4 қисми қисмига 45 даражали бурчак остида тортилиб, мовий ва яшил рангларни икки қисмга бўлиб турган шартли чизиқ фармацевтика соҳасида энг кўп тарқалган таблетка дори шаклини 45 даражали ён томонидан кўринишини билдиради.

Эллипснинг чап томонида оқ фонли кўк ранг ҳошияли доира жойлашган бўлиб, доира ичига икки қўл кафтлари орасида атрофга нур таратиб ёнаётган шам тасвирланган. Ёниб турган шам антик давр тиббиёт фани асосчиларидан бири, эрамиздан аввалги 5-4 асрларда яшаган Гиппократнинг шифокорларга қарата айтган: “Ўзинг ёниб тугасанг-да, бошқаларга доим ёруғлик улаш”, деган иборасидан келиб чиқиб, инсонлар саломатлигини сақлашга бел боғлаган тиббиёт ходимларини англатади. Шамнинг эриб туриши эса фидоийлик белгисидир. Шам танасининг ўнг тарафида нур қайтарилиши натижасида хосил бўлган белги оқ чизиқлар сифатида ифодаланган. Шамни икки томондан ҳимоя қилиб турган кўк рангда ифодаланган очиқ қўллар соғлиқни сақлаш соҳаси ходимларининг ижтимоий-иқтисодий ва меҳнатга оид ҳуқуқларини ҳимоя қилувчи тармоқ касаба уюшмасининг рамзий ифодасидир.

Икки қўл кафтлари пастида оқ ва яшил ҳошияли чизиқча чизилган, унинг пастки қисмида тармоқ касаба уюшмасининг номи қисқартма сўзларда лотин ёзувидаги ўзбек алифбосида яшил рангда ёзилган.

Эллипснинг қолган қисмида акс эттирилган ранглар эса Республикамиз байроғига ҳамоҳанглик билан, яшил ранг — табиатнинг янгиланиш рамзи, у шунингдек, навқиронлик, умид ва шодумонлик тимсоли ҳисобланади, оқ ранг – поклик, беғуборлик, софликни, орзу ва хаёллар тозалиги, ички гўзалликка интилишнинг тимсоли, фаолиятдаги очиқлик ва ошкоралик сифатида ифодаланган, мовий ранг — тириклик мазмуни акс этган мангу осмон ва обиҳаёт рамзи, тимсоллар тилида бу – яхшиликни, донишмандликни, ҳалолликни, шон-шуҳрат ва садоқатни билдиради.

Доира ташқарисига ҳаво рангда чизилган тўртбурчак ўртасида оқ ранг ичида мовий рангда тармоқ касаба уюшмасининг тўлиқ номи лотин ёзувидаги ўзбек алифбосида ёзилган.

 III. Касаба уюшмаси рамзларидан фойдаланиш тартиби

4. Касаба уюшмаси рамзидан Ўзбекистон Соғлиқни сақлаш ва фармацевтика ходимлари касаба уюшмасиининг расмий бланкларида, муҳр ва штампларида, гувоҳномаларда, плакатларда, баннерларда, дипломлар, фахрий ёрлиқларда, касаба уюшмаси байроғи ва вимпелларида, эсдалик нишонларида, ўқув-услубий адабиётларда, касаба уюшмасига тегишли техникаларда, шунингдек Касаба уюшмаси манфаатларига мос келувчи барча ўринларда фойдаланилиши мумкин.

5. Ўзбекистон Республикаси Адлия вазирлиги тасдиқлаганидан сўнг, Касаба уюшмаси рамзидан фойдаланишга бўлган барча ҳуқуқлар фақат Ўзбекистон Соғлиқни сақлаш ва фармацевтика ходимлари касаба уюшмасига тегишли бўлади.

IV. Якунловчи қоидалар

6.  Касаба уюшмаси рамзини ўзгартириш ёки бекор қилиш Ўзбекистон Соғлиқни сақлаш ва фармацевтика ходимлари касаба уюшмаси Республика кенгаши Раёсати қарори асосида амалга оширилади.

7. Касаба уюшмасининг рамзи тегишли тартибда Ўзбекистон Республикаси Адлия вазирлигидан рўйхатдан ўтганидан сўнг кучга киради.

 

Ўзбекистон Соғлиқни сақлаш ва фармацевтика ходимлари касаба уюшмаси Республика Кенгашининг Янги рамзи

 

Ўзбекистон Соғлиқни сақлаш ва фармацевтика ходимлари касаба уюшмаси Республика Кенгашининг Эски рамзи

Print Friendly, PDF & Email

Сообщить об опечатке

Текст, который будет отправлен нашим редакторам:

Click to listen highlighted text!