Ўзбекистон Соғлиқни сақлаш ходимлари касаба уюшмаси Республика Кенгашининг иш режасига мувофиқ меҳнатни муҳофаза қилиш бўйича меҳнат техник инспектори А.Ғаниев томонидан Ўзбекистон Республикасининг “Меҳнатни муҳофаза қилиш тўғрисида”ги Қонуни, Меҳнат кодекси, тармоқ келишуви ва жамоа шартномаларидаги бандлар ижроси бўйича жамоатчилик назорати ўтказилди.
Текширув жараёнида иш берувчи томонидан ходимларни тиббий махсус кийим-бош (тиббий халат ва тиббий қалпоқча) билан таъминлаш талаб даражасида амалга оширилмаётгани аниқланди.
Ушбу камчиликни бартараф этиш мақсадида иш берувчига 2025 йил 13 май куни №19-сонли кўрсатма хат юборилди ва унинг ижроси ўз вақтида таъминланмаса, судга мурожаат қилиниши тўғрисида огоҳлантирилди.
Кўрсатма хат асосида раҳбарият томонидан тегишли чоралар кўрилди. Натижада 80 нафар тиббий ходимга умумий қиймати 15 440 000 сўмлик тиббий халат ва тиббий қалпоқчалар тарқатилди.
