“11-ноябрь-Касаба уюшмалари куни” ва “Тиббиёт ходимлари куни” касб байрамлари муносабати билан ҳамда Ўзбекистонда касаба уюшмалари ҳаракати пайдо бўлганлигининг 120 йиллиги олдидан, Ўзбекистон Соғлиқни сақлаш ходимлари касаба уюшмаси Республика Кенгаши раиси Ханапияев Фарходжон Рахманович жорий йилнинг 6-ноябрь куни Самарқанд давлат тиббиёт университетининг кўп тармоқли клиникаси мажлислар залида касаба уюшмаси фаоллари, тиббиёт ходимлари ва ёшлар билан Очиқ мулоқот ўтказди.
Очиқ мулоқотда тармоқ касаба уюшмаси тизимидаги бошланғич касаба уюшма қўмитаси раислари, ғазначилари, касаба уюшмаси фаоллари ва талаба ёшлардан иборат 450 нафар ходимлар иштирок этишди.
Шу билан бирга очиқ мулоқотда Ўзбекистон касаба уюшмалари Федерациясининг Самарқанд вилоят кенгаши раиси С.Рафиқов, Самарқанд вилояти Соғлиқни сақлаш бошқармаси бошлиғи С.Зайниев, Самарқанд Давлат Тиббиёт университети проректори Э.Тангировлар иштирок этишди. Йиғилишни Ўзбекистон касаба уюшмалари Федерациясининг Самарқанд вилоят кенгаши раиси С.Рафиқов кириш сўзи билан очиб берди. Шундан кейин Ўзбекистон Соғлиқни сақлаш ходимлари касаба уюшмаси Республика Кенгаши раиси Ханапияев Фарходжон Рахмонович сўзга чиқиб, барчани “11-ноябрь-касаба уюшмалари куни” ва “Тиббиёт ходимлари куни” касб байрамлари билан табриклаб, касаба уюшма ташкилотларининг вазифалари, олиб борилаётган ишлар ҳамда касаба уюшмаларининг тарихи бўйича очиқ мулоқот иштирокчиларига етарлича маълумот берди.
Ўтказилган очиқ мулоқот якунида Ўзбекистон Соғлиқни сақлаш ходимлари касаба уюшмаси Республика Кенгаши томонидан, бир гуруҳ касаба уюшмаси фаоллари, тиббиёт ходимлари ва ёшларга фахрий ёрлиқ, ташаккурнома ва қимматбаҳо эсдалик совғалари берилди.
Бундан ташқари шу кунинг ўзида Самарқанд шаҳри Нурафшон қўрғонида жойлашган маданият саройида Самарқанд вилояти Соғлиқни сақлаш бошқармаси ва Ўзбекистон Соғлиқни сақлаш ходимлари касаба уюшмаси Самарқанд вилояти кенгаши хамкорлигида “Тиббиёт ходимлари куни” байрам тадбири ўтказилди.
Ўтказилган байрам тадбирида Самарқанд вилояти ҳоким ўринбосари Х.Тухтаев, Ўзбекистон Соғлиқни сақлаш ходимлари касаба уюшмаси Республика Кенгаши раиси Ф.Ханапияев, Ўзбекистон касаба уюшмалари Федерациясининг Самарқанд вилоят кенгаши раиси С.Рафиқовлар иштирок этишди.
Шунингдек ушбу байрам тадбирида вилоятимиздаги барча тиббиёт муассасаларининг раҳбарлари, меҳнат фахрийлари ва фаол тиббиёт ходимлари иштирок этишди.
Ўзбекистон Давлат филармонияси Самарқанд филиали томонидан ташкил этилган концерт дастурида хушовоз хонандаларининг байрам тадбири янада чиройли ўтиши таъминланди.
“Тиббиёт ходимлари куни” байрами муносабати Ўзбекистон Соғлиқни сақлаш ходимлари касаба уюшмаси Республика Кенгаши ва Самарқанд вилояти Соғлиқни сақлаш бошқармасининг ташаккурнома ва қимматбаҳо эсдалик совғалари фаол тиббиёт ходимлари ва ўз йўналишлари бўйича ғолибликка эришган турли номинация ғолибларига тақдим этилди.
Вилоятимизнинг барча туман ва шаҳарларидаги тиббиёт муассасаларида “Тиббиёт ходимлари куни” касб байрами юқорида савияда ўтказилиши давом этмоқда.
