Жорий йилнинг 21-23 сентябрь кунлари Ўзбекистон Соғлиқни сақлаш ходимлари касаба уюшмаси Республика Кенгашининг ташаббуси билан ҳудудий кенгашларнинг бухгалтерлари, йирик бошланғич ташкилотларнинг ҳисобчи ва ғазначиларига амалий ва услубий ёрдам кўрсатиш мақсадида сайёр ўқув-семинари Хоразм вилоятининг Хива ва Урганч шаҳарларида ўтказилди.
Ушбу ўқув-семинарларда Республика буйича касаба уюшма фаолларидан 100 нафардан ортиқ тингловчилар иштирок этди. Машғулотлар давомида иштирокчиларга касаба уюшма маблағларидан самарали фойдаланиш ҳақида кўрсатмалар берилди. Семинар савол-жавобларга бой бўлиб, иштирокчилар ўз билимларини янада оширишди.
Шунингдек қадимий ва тарихга бой бўлган Хива ҳамда Урганч бўйлаб ташкил этилган туристик саёхатлар ҳам қатнашчиларда унутилмас ва ажойиб таассуротлар қолдирди.
